Ladaki Bahin eKYC Steps: मुख्यमंत्री माझी लाडकी बहीण योजना २०२५: e-KYC ची संपूर्ण प्रक्रिया, लाभ आणि महत्त्वाच्या तारखा
Ladaki Bahin eKYC Steps: ‘मुख्यमंत्री माझी लाडकी बहीण योजना’ ही गरजू महिलांना आर्थिक सहाय्य देण्यासाठी महाराष्ट्र सरकारने सुरू केलेली एक महत्त्वाकांक्षी योजना आहे, जी महिलांची आर्थिक स्थिती सुधारून त्यांचा सर्वांगीण विकास साधते.
पात्र महिलांना दर महिन्याला ₹१,५०० (वर्षाला ₹१८,०००) थेट त्यांच्या आधार लिंक बँक खात्यात (DBT) जमा केले जातात.
योजनेची पात्रता निकष आणि महत्त्वाच्या तारखा
| निकष | तपशील |
| मासिक लाभ | ₹१,५००/- (दरमहा) |
| वय मर्यादा | २१ वर्षे पूर्ण ते ६५ वर्षे पूर्ण |
| उत्पन्न मर्यादा | कुटुंबाचे वार्षिक उत्पन्न ₹२.५० लाखाहून अधिक नसावे. |
| लाभार्थी महिला | महाराष्ट्र राज्याचे रहिवासी, विवाहीत, विधवा, घटस्फोटीत, परित्यक्ता आणि निराधार महिला. कुटुंबातील केवळ एक अविवाहित महिला देखील पात्र. |
| अर्ज करण्याची अंतिम तारीख | १५ ऑक्टोबर २०२४ |
| सप्टेंबरचा हप्ता | ऑक्टोबर २०२५ मध्ये जमा होण्याची अपेक्षा आहे. |
अपात्रता निकष (कोणाला लाभ मिळणार नाही?)
- ज्या कुटुंबाचे वार्षिक उत्पन्न ₹२.५० लाखाहून अधिक आहे.
- कुटुंबातील सदस्य आयकरदाता (Income Tax Payer) असल्यास.
- कुटुंबातील सदस्य सरकारी/निमसरकारी संस्थेमध्ये नियमित/कायम कर्मचारी म्हणून कार्यरत किंवा सेवानिवृत्त होऊन निवृत्तीवेतन घेत असल्यास. (₹२.५० लाखांपर्यंत उत्पन्न असलेले कंत्राटी/स्वयंसेवी कामगार पात्र आहेत.)
- सदर लाभार्थी महिला शासनाच्या इतर योजनेतून दरमहा ₹१,५०० किंवा त्यापेक्षा जास्त रकमेचा लाभ घेत असेल.
- कुटुंबातील सदस्य विद्यमान किंवा माजी खासदार/आमदार असल्यास.
- कुटुंबातील सदस्याच्या नावावर चारचाकी वाहन (ट्रॅक्टर वगळता) नोंदणीकृत असल्यास.
e-KYC चे महत्त्व आणि सोपी Step-by-Step प्रक्रिया
₹१,५०० चा मासिक लाभ अखंड आणि सातत्याने मिळत राहावा यासाठी e-KYC (ई-केवायसी) प्रक्रिया पूर्ण करणे अत्यंत आवश्यक आहे.
ई-केवायसी करण्याची सोपी प्रक्रिया
तुम्ही घरबसल्या तुमच्या मोबाईल किंवा कॉम्प्युटरवरून खालीलप्रमाणे e-KYC पूर्ण करू शकता:
- संकेतस्थळावर जा:
- सर्वप्रथम योजनेच्या अधिकृत संकेतस्थळावर https://ladakibahin.maharashtra.gov.in/ जा.
- मुख्य पृष्ठावरील e-KYC बॅनर वर क्लिक करा.
- लाभार्थी पडताळणी:
- e-KYC फॉर्ममध्ये लाभार्थ्याचा आधार क्रमांक आणि पडताळणी संकेतांक कोड (कॅप्चा कोड) नमूद करा.
- यानंतर ‘Send OTP’ बटणावर क्लिक करा.
- लाभार्थी OTP सबमिट करा:
- लाभार्थीच्या मोबाईलवर आलेला OTP (वन टाईम पासवर्ड) स्क्रीनमध्ये टाकून ‘Submit’ बटण दाबा.
- पती/वडील आधार पडताळणी:
- OTP सबमिट केल्यानंतर, e-KYC पृष्ठावर पती किंवा वडील यांचा आधार कार्ड क्रमांक आणि पडताळणी संकेतांक (कॅप्चा) नमूद करा.
- यानंतर पुन्हा ‘Send OTP’ बटणावर क्लिक करा.
- पती/वडील OTP सबमिट करा:
- पती किंवा वडिलांच्या मोबाईलवर आलेला OTP स्क्रीनमध्ये टाकून ‘Submit’ करा.
- अंतिम प्रश्न आणि सबमिशन:
- यानंतर लाभार्थ्याने जात प्रवर्गाचा पर्याय निवडावा.
- स्क्रीनवर विचारलेल्या दोन प्रश्नांची उत्तरे ‘होय’ किंवा ‘नाही’ मध्ये द्या.
- दोन्ही प्रश्नांची उत्तर दिल्यानंतर चेक बॉक्सवर क्लिक करून ‘Submit’ करा.
- “तुमची e-KYC पडताळणी यशस्वीरित्या पूर्ण झाली आहे” असा संदेश तुम्हाला येईल.
कोणाचा आधार क्रमांक द्यावा?
e-KYC करताना पती किंवा वडील यापैकी कोणाचा आधार क्रमांक द्यावा, यासाठी खालील नियम लक्षात घ्या:
- विवाहित असाल: पतीचा आधार क्रमांक द्यावा.
- कुमारिका असाल: वडिलांचा आधार क्रमांक द्यावा.
- पतीचे निधन झाले असेल किंवा घटस्फोट झाला असेल: वडिलांचा आधार क्रमांक द्यावा.
e-KYC करताना ERROR (त्रुटी) येत असेल तर काय कराल?
- वेळेची निवड: तातडीने e-KYC पूर्ण करण्यासाठी, सकाळी लवकर (सकाळ ६ च्या आधी) किंवा रात्री उशिरा (रात्री ११ नंतर) e-KYC करण्याचा प्रयत्न करा, कारण या वेळेत साईटवर गर्दी कमी असते.
- नेटवर्क तपासा: e-KYC करण्यापूर्वी तुमच्या मोबाईलमधील इंटरनेट नेटवर्क चांगले असल्याची खात्री करून घ्या.
- मदत घ्या: ऑनलाईन e-KYC करताना जास्त अडचण आल्यास, तुम्ही जवळच्या अंगणवाडी सेविका/ पर्यवेक्षिका/ मुख्यसेविका/ सेतू सुविधा केंद्र/ आपले सरकार सेवा केंद्र यांचेकडे मदतीसाठी जाऊ शकता.
मदत क्रमांक (Helpline Toll Free): १८१
व्हाटसऍप ग्रुप जॉईन करा